يوميات المفتش كرومبو

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يوميات المفتش كرومبو

واللى واقف جمبو

دا حموكشة ابن اختو

هيبقى معاه كل ميروح فى حتة

بعقل يوزن 6 لكن على قده

آدى حكايتهم على حلقات هنموت من الضحك عليها

حموكشة يخترع اختراعات وكرومبو يتعذب بيها

غابة وعصابة وديناصورات وآلة زمن يركبوا فيها

يوميات المفتش كرومبو

واللى واقف جمبو

دا حموكشة ابن أختو

دى أغنية البداية عشان أنا نويت أعمل يوميات المفتش كرومبو

وهكتب لكم فزورة النهاردة ولو عجبتكم قولوا لى أكمل ماشى ؟ اتفقنا

ودلوقتى هنبدأمع أول حلقة ابقوا معنا سنعود بعد الفاصل

ملاحظة محدش يروح فى حتة........................

ورجعنا بعد الفاصل

[ندعوك للتسجيل في المنتدى أو التعريف بنفسك لمعاينة هذه الصورة]

كرومبو نايم ع السرير فى أمان الله فجأة يصحى من النوم على صوت يقول: الحقنى يا خالو أنا اتسرقت ينظر كرومبو فى دهشة ليجده حموكشة ابن أخته

كرومبو: يافتاح ياعليم يارزاق ياكريم فى إيه يا حموكشة؟ إيه اللى حصل؟

حموكشة: الحقنى يا خالو أنا اتسرقت.

كرومبو: ايه اللى اتسرق منك يا حموكشة؟

حموكشة: الساعة الذهب اللى أنا صانعها يا خالو وإنت عارف أنا بحب الساعة دى أد إيه.

كرومبو: وإنت كنت بتعمل ايه لما اتسرقت منك؟

حموكشة: كنت بتفرج على ماتش كورة أنا و 3 أصحابى وبعدين سبتها ورحت أجيب بيبس ولما رجعت ملقتهاش.

وانحصر شكى فى ال 3 أشخاص ولما سألت الأول زكى تبت شان قال: ساعة دهب إيه ياعم أنا كنت مشغول بالفرجة على الماتش عشان قالوا إن أبى تبت شان هيلعب فى الماتش وبعدين أنا مبحبش الدهب أصلا.

ولما سألت التانى حربى المدرع قال: أنا يا مفتش كرومبو مشفتش ساعات دا غير إن أنا مدرع يعنى مش محتاج لأى ساعة وبعدين دا حتى طلعت ساعة زينة وكمان واقفة ومبدورش. أعمل بيها أنا إيه دلوقتى.

ولما سألت التالت خفيف اللطيف قال: أنا صحيح اسمى خفيف ودمى خفيف بس إيدى مش خفيفة وميرضنيش اتهامك دا ليا يا حضرة المفتش أنا معرفشى حاجة عن الساعة دى ولا حتى فين راحت.

حموكشة بيشمر إيده: أنا عرفته يا خالو سيبهولى بقى أربيه.

كرومبو: أنا عرفت مين اللى سرق ساعة حموكشة. ولو إنت/ى كمان عرفته ابعتلى الإجابة فورا

مع تحيات المفتش كرومبو

[ندعوك للتسجيل في المنتدى أو التعريف بنفسك لمعاينة هذه الصورة]

زائر

هههههههههههههههههه
لأ حلوة حلوة حلوة
منتظرين منك حلقات أكتر ونار
عاوزين حلقات جامدة نحتار فيها كدة
تسلم الأيادي علي الموضوع
والإجابة هيا
حربي المدرع
ياتري جايزتي اية؟

[ندعوك للتسجيل في المنتدى أو التعريف بنفسك لمعاينة هذه الصورة]

زائر

هههههههههههههه
حلقة جميلة سمايلى
بس فين أغنية النهاية
و السارق حربى المدرع
يللا بقى قوليلى جايزتى أيه

برافو عليكم يا بنات الإجابة صح جداااااااا

وجايزتى ليكم نقطتين لكل واحدة

ميرسى لتفاعلكم مع الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

ايه يا جماعة هو الموضوع مش حلو ولا إيه ؟

مش شايفة مساهماتكم يعنى ولا إجابتكم

قولولى لو مش حلو مكملشى فيه

هستنى يومين كمان لو ملقتشى حد بيرد هقفل الموضوع ومش هكمله

مع تحياتى لكم جميعا

زائر

الموضوع جميل جدا سمايلي بس أنا من رأيي تخلي الإجابات توصلك في رسالة خاصة

ولما كل الأعضاء أو كمية معقولة منهم يجاوبوكي تقولي مين جاوب صح والإجابة الصحيحة

وطبعا تكوني محددة الجايزة مسبقا بس نصيحة مني نقطتين مش مرضية أبدا ههههههه [ندعوك للتسجيل في المنتدى أو التعريف بنفسك لمعاينة هذه الصورة]

تقبلي مروري

[ندعوك للتسجيل في المنتدى أو التعريف بنفسك لمعاينة هذه الصورة]

زائر

موضوع جميل يا سمايلي جيرل

الإجابة بتاعتي زي شوشو وذا بيوتي

حربي المدرع

وجميل استمري

بس معلشي أنا لسة شايفة الموضوع حالا ودي اللي أخرني عليكي في الرد

وعلي فكرة شوشو معاها حق طبعا

[ندعوك للتسجيل في المنتدى أو التعريف بنفسك لمعاينة هذه الصورة]

ميرسى ليكم يا جماعة على تشجيعكم ليا وبما إنكوا رديتوا على هكمل المسابقة ومن بكرة إن شاء الله هكمل الموضوع

وبالنسبة لأمل الحياة نقطة هدية على إجابتها بما إنها جت متأخر

زائر

طبعا الموضوع راااائع ولازم تكمليه
وزى شوشو ما قالت خلى الاجابات توصلك فى رسالة خاصة

ماشى يا جماعة أنا خلاص هكتب الحلقة الجديدة
بس عايزة الإجابات توصلنى فى رسالة خاصة
ومش عايزين غش يا جماعة هههههههههههههههه
يلا انتظرونى بعد الفاصل

[ندعوك للتسجيل في المنتدى أو التعريف بنفسك لمعاينة هذه الصورة]

ورجعنا بعد الفاصل

كرومبو والشنطة

دخلت إحدى السيدات على عيادة طبيب الاسنان لخلع أحد اسنانها
دخلت المريضه غرفة التمريض وقد وضعت حقيبتها على منضده
بالغرفه المجاوره .... وبعد انتهاء الطبيب من الكشف على السيده
خرجة من الغرفه وأخذت حقيبتها ولكنها فوجئت بأن أحداً ما عبِث بالحقيبه
وسرق منها خاتمها الألماس...

وقام الطبيب باستدعاء المفتش كرومبو في الحال وبادر بجمع كل الملاحظات
حول السرقه ...

وعرف كرومبو أن عامل المصعد شاهد رجلاً على سلم العماره تبدو عليه آثار الارتباك
فاشتبه به ... وقام باستدعائه ....

وسأله : هل تعرف الطبيب صاحب العياده ؟

قال الرجل : لا .. لا اعرفه ...ولم ادخل عيادة اسنان منذ سنتين

تريث كرومبو قليلاً ثم سأله مجدداً : لقد سرق أحد مرضى الطبيب قبل ساعتين تقريباً .....
أين كنت أثناء الساعتين الماضيتين ؟

قال الرجل : كنت ابحث عن منزلٍ للإيجار في هذه العماره ... صدقني يا حضرة
المفتش كرومبو لم اسرق السيده ولم اقترب من العياده مطلقاً...

عاد كرومبو ليسأله: لقد شاهد عامل المصعد رجلاً يخرج من العياده أوصافه مطابقة تماما
لأوصافك وهو بحالة مريبه فما قولك ؟ ...

قال الرجل : صدقني يا سيدي لم أقترب من العياده ... ربما السارق يشبهني من حيث الشكل
ولكن لست أنا السارق ...

اطرق المفتش كرومبو قليلاً وهو يفكر بما دار بينه وبين الرجل ...

وقال لأحدهم : احضروا عامل المصعد .......

فأحضروه وسأله : اثناء بلاغ الطبيب عن السرقه أي ماقبل ساعتين أين كنت تحديداً ؟

قال عامل المصعد : كنت يا سيدي أمام مدخل العماره اساعد احد النزلاء على حمل امتعته

سأله ثانيةً : أهه ...وكيف إذن تقول بأنك شاهدت الرجل على سلم العماره ؟

قال عامل المصعد: نعم رأيته اثناء نزولي من المصعد يا سيدي..!!

وبعد كل هذه التحقيقات مع المشتبه بهما

عرف كرومبو السارق الحقيقي استناداً للأدله التاليه:-

1-
2-

ياترى مين اللى سرق الشنطة:

الممرضة **** عامل المصعد **** الرجل المرتبك

متنسوش السبب

أنا عرفت مين اللى سرق الشنطة لو إنت كمان عرفت ابعتلى الرد على رسالة خاصة

مع تحيات

المفتش كرومبو

مستنية إجابتكم

[ندعوك للتسجيل في المنتدى أو التعريف بنفسك لمعاينة هذه الصورة]

ايه ياجماعة هى الفزورة صعبة ولا ايه؟

فين الرد يا إخوانا؟

زائر

طب ممكن أسأل سؤال
ايه اللى دخل الممرضة فى الموضوع
أنا قريت كويس جدا ولاحظت إن الممرضة مش موجودة فى القصة خالص؟
ممكن أفهم؟

زائر

على فكرة أنا مع دنجوان عنده حق بصراحة

زائر

بصراحة أنا كمان معاهم

زائر

هو ممكن يكون .....
افتكرت هبعت لك الاجابة ع الخاص

إيه دا ياجماعة محدش عرف يجاوب خااااااااااااالص
زعلتونى هو السؤال صعب كدة
عموما الإجابة هى الرجل المرتبك
الدليل:
* إنه بيقول إن هو معداش ع العيادة مع إنه بيلف عشان يدور على شقة
*كرومبو قال أحد المرضى بس الراجل ده قال إنه ماسرقش تلك السيدة
أما الممرضة بقى فهى محطوطة عشان تنخدعوا بيها
تعيشوا وتاخدوا غيرها
شوفتو بقى سهلة إزاى
لأ ياجماعة أنا زعلانة خالص وبكرة إن شاء الله هحط الحلقة الجديدة

[ندعوك للتسجيل في المنتدى أو التعريف بنفسك لمعاينة هذه الصورة]

زائر

مأخدتش فى بالى إن الممرضة دى كانت خدعة
عموما مستنيين الحلقة الجديدة