smily girl تتكلم بصراحة

بصراحة إية هي أخر مرة إتكلمت فيها بصراحة
وهل أنت معتاد علي الصراحة
وهل أنت صريح بلباقه
م بعصبية تجعل من هو أمامك يكره التحدث معك بصراحة
وإذا كنت كذلك
أكتب رأيك فيا أنا علي سبيل المثال
وأرجو أن يكون الرد بصراحة مهما كانت صادمه
فبذلك أنا أعرف عيوبي وأخطائي وأحاول تصحيحها
وسأرد عليك بصراحة

تم تعديل الموضوع بحيث نختار عضو كل فترة ونسأله مجموعة من الأسئلة

أولا ازيك يا شوشو
ثانيا الموضوع ده روعة وفكرته أروع
وأنا بقى هحاول أجاوبك ع الأسئلة بكل صراحة
بصى يا ستى
أنا آخر مرة اتكلمت فيها بصراحة كانت مع أختى الكبيرة ودا كان فى مشكلة وهى حلتها لى وريحتنى ع الآخر.
بصراحة كدة أنا مش معتادة ع الصراحة إلا مع أختى الكبيرة وجميع أسرارى معاها.
أنا ساعات اتكلم بصراحة أمام أصحابى بس مش الصراحة اللى تخليهم يكرهونى أو يكرهو الكلام معايا.
اما انتى بقى يا شوشو فانتى صريحة جدا وساعات صراحتك بتخلى الواحد يكره الكلام معاكى وأنا مجربة.
مش كدة ولا ايه؟
تقبلى مرورى وردى وأتمنى انك متزعليش
تحياتى لكى

أنا بقى يا ست شوشو هرد عليكى بكل صراحة
آخر مرة اتكلمت فيها بصراحة هى المرة دى
ومعتادة ع الصراحة خصوصا مع أختى
وأنا صريحة بلباقة وإذا كانت صراحتى هتعصب حد
أو هتزعل حد منى فمش بتكلم خالص
أما رأيى فيكى بقى فهو كذلك :-
إنتى بتفهمى الشخص اللى قدامك
وعشان كده بسهولة الواحد يحكيلك أى مشكلة
وفى نفس الوقت بتلاقيله الحل دايما
بس لما تكونى متنرفذة بتزهقى ع الكل حتى اللى ملوش ذنب
وده طبعا غلط


آآآآآه على فكرة :-
فكرة الموضوع ده جميلة أوى
ويا ريت تظبطيه بحيث نكتب راينا فى كل أعضاء المنتدى





تقبلى مرورى البسيط

smily girl أنا بشكرك علي صراحتك الغالية ودي أولا
أما ثانيا أنا برضه بشكرك علي ثقتك الغالية فيا وطبعا إنتي فاهمة قصدي
وثالثا ودي بقي المهم
أنا عارفة إن أنا أحيانا ببقي عصبية وبكره اللي أدامي فيا
وصراحتي الجامدة بتوقعني ووقعتني في مشاكل كتير مع أصحابي
لكن في الآخر
بيطلع عندي حق بس بقول رأيي بصراحة زيادة عن اللزوم ودي غلط أنا عارفة
وأنا بحاول أصلحه وأتمني من اللي حواليا يساعدوني

the beauty أولا أشكرك علي الكلام الجميل اللي قولتيه عليا
أما قولك إن أنا لما بتنرفذ بزهق ع الكل يمكن دي صحيح بنسبة 90%
ألكن إسمحيلي أقول لك دي بعد إذنك طبعا
إن إنتي أحيانا بتبقي عصبية وعصبية جدا كمان
وبتتصرفي بطريقة تزعل اللي حواليكي منك أحيانا
وأظن إنتي فاكرة آخر مرة إتصرفتي إزاي
حاولي تغيري طريقتك
دي هيكون أحسن كتير
ونصيحة مني ليكي
أحيانا الاسف وحده لا يكفي
وأظن إنتي فاهمة قصدي

إيه يا جماعه صلو ع النبى

عليه الصلاة والسلام

أولا ردودكم كلها روعه وميرسى ليكى يا شوشو على موضوعك اللذيذ والصريح

وأحب أقولكم إن أخر مرة إتكلمت فيها بصراحه

كانت مع نفسى لانى مبلاقيش حد أتكلم معاه بصراحه

وزى ما إنتى عارفه دلوقت كلو بيدو ع المجاملات

ففضلت إنى أكون صريحه مع نفسى وإكتفيت بكدا كمان

بس أنا عندى نفس مشكلتك إنى عصبيه جدااااااااااااااا فوق ما تتخيلى

ومشكلتى الاكبر إنو مكنش عندى ولا إرادة ولا عزيمة تخيلنى أتغير وأققل من عصبيتى

لكن دلوقت والحمد لله فضل من ربنا طبعا إنى قدرت أسيطر على نفسى

وبقيت بفضل السكوت لما بكون متنرفزة أهو حل مؤقت

وبصراحه وبدون نفاق أنا ماتعاملتش معاكى أووى

عشان كدا مش هقدر أكتب رايى فيكى

وميرسى يا باشا ع الموضوع الجامد

ويارب يكون ردى عجبك ومع السلامو عليكم

shosho كتب:

the beauty أولا أشكرك علي الكلام الجميل اللي قولتيه عليا
أما قولك إن أنا لما بتنرفذ بزهق ع الكل يمكن دي صحيح بنسبة 90%
ألكن إسمحيلي أقول لك دي بعد إذنك طبعا
إن إنتي أحيانا بتبقي عصبية وعصبية جدا كمان
وبتتصرفي بطريقة تزعل اللي حواليكي منك أحيانا
وأظن إنتي فاكرة آخر مرة إتصرفتي إزاي
حاولي تغيري طريقتك
دي هيكون أحسن كتير
ونصيحة مني ليكي
أحيانا الاسف وحده لا يكفي
وأظن إنتي فاهمة قصدي

ميرسى يا شوشو على صر احتك الجامدة وصدقينى هحاول اغير من نفسى بس ادعيلى

وأنا موافقة والعضو الجاي هو the beauty

ما هو طباخ السم بيدوقه مش كدة ولا إية!

الللللللللللللله يساااااااااااااااامحك ياااااا شوووووشووووووووووووو

ميرسى على صراحتك الجااااامدة
هههههه
متخافيش انا ما زعلتش
وان شاء الله هحاول اغير من نفسى

بصي يابيوتي انتي مافهمتنيشي ، دي كان سؤال يعني تجاوبي عليه

أيه يا شوشو هى اجابتى ما عجبتكيش و لا ايه

مرحباااااااااا

ابدأ بأسئله قليله

منوووووووورة الكرسى بيوتى

1-ما هى حكمتك في الحياة؟

2-هل كرهتى احد من قبل؟

3-اذا ربحتى المليون هاتعملى بيهم ايه؟

3-هل هناك عادة تفعليها وتتمنى ان تتركيها؟

4-هل كرهتى نفسك يوما؟

5-هل انتى راضية عن نفسك؟

6-ما هو اكثر شخص تفكرى فيه؟

7-ما الدولة التى تريدى ان تزوريها؟ولماذا؟

8-متى اخر مرة بكيتى؟

9-من اكثر احد تحبه في هذه الحياه؟

10-تكلمى عن نفسك في سطرين؟

بس

انتظرى الباقى....

منوووووووورة الكرسى بيوتى

عقبال ما تنوريه

1-ما هى حكمتك في الحياة؟
لا تكره أحدا مهما أخطأفى حقك

2-هل كرهتى احد من قبل؟
حصلت مرة وصالحته تانى

3-اذا ربحتى المليون هاتعملى بيهم ايه؟
هطلع مبلغ لله والباقى هديه لبابا وهو يتصرف فيهم لانى متأكدة انه هيتصرف صح

3-هل هناك عادة تفعليها وتتمنى ان تتركيها؟
نعم

4-هل كرهتى نفسك يوما؟
لما بعمل خطأ كبيير بكره نفسى

5-هل انتى راضية عن نفسك؟
لأ لأن فى تصرفات بعملها عايزة أغيرها

6-ما هو اكثر شخص تفكرى فيه؟
صاحبتى

7-ما الدولة التى تريدى ان تزوريها؟ولماذا؟
فرنسا لأنها بلد الجمال

8-متى اخر مرة بكيتى؟
النهارده

9-من اكثر احد تحبه في هذه الحياه؟
ماما

10-تكلمى عن نفسك في سطرين؟
صعبة دى